نسيتك - الرادود باسم الكربلائي

ساخت وبلاگ

نسيتك

الحاج ملا باسم الکربلائي

السید عبدالخالق المحنة

 محرم 1439

------------------------------

نسیتک ثواني

خیالک اجاني

 

أخذني الشاطي حبک

أرید أعطش و کتبک

 

خیالک إجاني

------------------------------

ذکرتک من نسیت أو بین اخیالک

أثاري انت العزیز الخالني إبالک

 

حاولت أستقر و سأل عله أحوالک

لقیت النهر قطره ابعین شلالک

 

جمالک قصیده ، مینحز وریده

 

نهر آني اعله دربک

أرید أعطش و کتبک

 

خیالک إجاني

------------------------------

أرید أرسم اعیونک حتی أجاجیها

شرط دوم أو تراب أو عطش مابیها

 

عله صدرک علامه أوصافن اعلیها

أخاف آکتبها و العباس یمحیها

 

علامه إترکتها ، کأن ما شفتها

 

أثر رفسه اعله قلبک

أرید أعطش و کتبک

 

خیالک إجاني

------------------------------

إجیتک و الغزل بشواقي یتعثر

لقیت الشاطي أحمر و النهر أحمر

 

أشوفک تبتسم وانه أرتبک أکثر

لأن صدري صحیح أو صدرک مکسر

 

منعني حیائي ، أجیک ابردائي

 

یظل عاري الیسلبک

أرید أعطش و کتبک

 

خیالک إجاني

------------------------------

ملیته اتراب خدي من شفت خدک

نعم کلک عطش بس ما ذبل وردک

 

خفت مرتین یغتال النهر جبدک

جبت ماي الشریعه أو خیمت عندک

 

أحبک لأنک ، نبض قلبي منک

 

حلم شاعر و طلبک

أرید أعطش و کتبک

 

خیالک إجاني

------------------------------

تخطیت المسافه البینک أوبیني

وصلت الباب جرحک و نطفت عیني

 

ضعت و توسلت مولاي خلیني

أشاهد خنصرک ونطیک جفیني

 

کتبت الروایه ، ورید النهایه

 

اذاا خلیني قربک

أرید أعطش و کتبک

 

خیالک إجاني

------------------------------

اذا ما ینذبح ابني علی صدري

صعب ترسم احساسک قافیة شعري

 

اذا ما ینکسر عالمشرعه ظهري

أسولف عالأخوه واني ما ادري

 

متی ما خیامي ، یسعرن أمامي

 

أحس شنهو الیعذبک

أرید أعطش و کتبک

 

خیالک إجاني

------------------------------

حسبت اجروحک الألف أو تسعمیه

کسور اضلوع صدرک أکثر اشویه

 

رسمتک عالأرض أشلاء مرمیه

جمعتک و العقیله اتباوع اعلیه

 

جریمه الحوافر ، تدوس المشاعر

 

أتیه من أحسبک

أرید أعطش و کتبک

 

خیالک إجاني

 


برچسب‌ها: الحاج ملا باسم الکربلائي, السید عبدالخالق المحنة, محرم1439 نسيتك - الرادود باسم الكربلائي...
ما را در سایت نسيتك - الرادود باسم الكربلائي دنبال می کنید

برچسب : الرادود,الكربلائي, نویسنده : bk110 بازدید : 903 تاريخ : سه شنبه 23 آبان 1396 ساعت: 2:17