اقطع الكلام - الرادود باسم الكربلائي

أقطع الکلام

الحاج ملا باسم الکربلائي

السید عبدالخالق المحنة

 محرم 1439

------------------------------

أقطع الکلام، سیفي یتکلم و أرید الکل یسمعه

صولة الختام، لو جبل باب الشریعه الیوم أقلعه

 

هاذی خیبر – واني حیدر

------------------------------

قل هو الله أحد أبدأ کلامي

و أشهرت سورة براءه مو حسامي

 

مصحف أو کعبه أو محمّد في خیامي

واني حیدر و أبرهه او مرحب أمامي

 

فیل او لا حجر - باب او لا نهر - هذا المختصر - من ینازل

 

صاحت الطفوف، هیّه کلمه الزینب او مابیها رجعه

بلّغ الالوف، قلهم العباس قادم من یمنعه

 

کلشی أقدر – واني حیدر

------------------------------

في بدر ناده المنادي عالبریّه

لا فتی الّا علي حامي الحمیه

 

او هالندا من زینب اتکرّر الیّه

لا فتی الا أنا بالغاضریّه

 

حیدر هل أته – غیره لا فته – و أسمع نخوته – یابوفاضل

 

دمدم الاله، یالله یا خیر فتی بعد الصمیده

یا شایل لواه، اهجم اعلیهم غضنفر عالطریده

 

خلها تصفر – واني حیدر

------------------------------

یا علي او رایة احد صارت نشیدي

و التلوق الأیدک اتلوق اعله ایدي

 

آني شایلها تره او یشهد عضیدي

لو وقع جفّي أرکّزها ابوریدي

 

رایتنه ستر – ما تنزل شبر – بیدي تستقر – جف مراجل

 

جمّع الرجال، بلکي من یکثر عددهم یملي عیني

وأدري بالمحال، ترعب السبعین ألف فارس حسیني

 

موت الأحمر – واني حیدر

------------------------------

ترتجز بالخندق او کلّک معاجز

من ضربة و ذکرها هند الهزاهز

 

واني مثلک أرتجز لمّن أبارز

آني اخو زینب ورجّعهم جنایز

 

ألقطهم لقط – و عیونک شرط – بالنص بالضبط – واني قائل

 

و الرفع سماه، الاّ هالسبعین ألف أقطع خبرهم

و العلي أو عُلاه، ما أخلیهم و لا أخلّي أثرهم

 

سیفي قرّر – واني حیدر

------------------------------

والدي یوم الفتح کسّر صنمهم

واني ابنه أو عالنهر أکسر خشمهم

 

آني أمّي فاطمه أو معروفه أمهم

أو صارت ابکیفي أطشّرهم ولمهم

 

والأمّي القرأ – أفعل ما أشأ – اکتب هالنبأ – هذا عاجل

 

آمر الأمیر، اسجدوا و الما سجد ما یلقه راسه

ساعة النفیر، و الشمر لا یختفي خلف الحراسه

 

خلّه یظهر – واني حیدر

------------------------------

هذه مو رایه تره زینب ابجفّي

والهوه ایحاذر اذا مر اعله أنفي

 

الاّ أشیل المشرعه کلها اعله جتفي

للخیم وأسأل سکینه هذا یکفي

 

لو قالت نعم – أي کافي یعم – رشّي عالخیم – و المحامل

 

ما صرت کفیل، لو تزاعلني سکینه هالحبیبه

و الله و الخلیل، لو جبل بذبل تریده هم أجیبه

 

بیدي یصغر – واني حیدر

------------------------------

من اجه احسین أو وضع ایده اعله متني

جنت أفور أو اید أخویه برّدتني

 

صرت أحس الرایه کلّش تعّبتني

بیّن اعلیّه التعب و الخیل اجتني

 

ظل عندي الأهم – جودي و العلم – نادتني الخیم – وانه أحاول

 

نظرة اعتذار، عمّه یا سکنه العفو هذا نصیبي

و القلع جدار، لوله اید حسین ما یبرد لهیبي

 

سید الکر – واني حیدر

------------------------------

یا علي سامحني خاف امقصّر آنه

عالنهر راح اترک اجفوفي أو لوانه

 

و بظهور المنتظر صاحب زمانه

قلّه تارکلک أبوفاضل أمانه

 

من اید القمر – لید المنتظر – یا ثار النحر – و الثواکل

 

ساعة الظهور، بیده یرفعها أو ینادي واحسیناه

فارس أو غیور، قله عطشان الرضیع أو مارویناه

 

خلّه یثأر – واني حیدر

 

برچسب‌ها: الحاج ملا باسم الکربلائي, السید عبدالخالق المحنة, محرم1439 نسيتك - الرادود باسم الكربلائي...