ريت السافر يعود - الرادود باسم الكربلائي

ساخت وبلاگ

ريت السافر يعود

الحاج ملا باسم الکربلائي

علي درجال

 محرم 1439

------------------------------

ریت السافر أیعود، ما جرحت الخدود

یوم الودع وراح، صرت امن الحزن عود

------------------------------

جیت امن الوداع و ها یریت اعیوني عمیات

مره بخوفي أضیع وأعثر و مره بالدمعات

 

درب الماخذک حتی الهوه حسیته بیه مات

تدري شقد خذت من عمري یابویه هاللحظات

 

لو میته ولا جیت، آه یا وحشة البیت

بعدک جم جرح صاح، صرت امن الحزن عود

------------------------------

کل لیله التمر عبدالله جني الصوته اسمع

أوقع وارکض وجفیني قوه الباب تدفع

 

تدري بغیبتک ببنیتک کل مرض یطمع

و بحسره و دمع لفراشي یا محبوبي ارجع

 

بس حیطاني یمي، محد یحجي بسمي

ظلت بس الأشباح، صرت امن الحزن عود

------------------------------

ناسیته المرض وي ما رحت بس علتي انته

لحظه خطوتک من باعدت حل موتي سکته

 

من عندي الذنب من صافحت جفک و عفته

بس لو عاودت متسافر ألا واني میته

 

أدري اعتابي اذاه، او ما خذني ویاه

لیش ابدمعي یرتاح، صرت امن الحزن عود

------------------------------

ما رید الهوه شهقاتي بیه یا والدي تزید

واني الموت أریده و غیره لا صدقني مارید

 

عمري ابلا قمر و بلایه عبدالله و لا یفید

دنیه و بس مصایب و الدموع و صفقة الإید

 

کل لحظه بأسمهم، انده ورکض الهم

راحو و الدرب ناح، صرت امن الحزن عود

------------------------------

دوم امن الشمس لو حل صبح انخاهه ترحل

واعرف هالشمس یحسین الک وین انت تندل

 

من اشتاق الک وبصدري میضل هوه تقبل

راح اویاح ادز صورة إلي بس خوفي یزعل

 

ما یعرفني لو شاف، وجهي امن الدمع جاف

بعده یکسر اجناح، صرت امن الحزن عود

------------------------------

صدرک بویه ذاک الدافي خوفي بخیل ینداس

وصفوا کربله و ناس النوت حربک و لا ناس

 

فکري اتزاحم بصورة عطش واجفوف عباس

واعرف حالي زین و عمري ماوهمني لاحساس

 

خوف البیه مجنون، یا رب ما یشوفون

شر اویاخذ أرواح، صرت امن الحزن عود

------------------------------

معقوله انجرح واحساسک اعرف بیه یدري

اعتب بویه خوفي و انت نحرک دمه یجري

 

هم إحساسي فز یا رب دخیلک شنو یجري

لیش ابجفي احس إصبع وقع وانسحق صدري

 

حزن العندي میغیب، جرح البیه میطیب

جرحه بلایه جراح، صرت امن الحزن عود

 


برچسب‌ها: الحاج ملا باسم الکربلائي, علي درجال, محرم1439, ملا باسم کربلایی, باسم کربلایی نسيتك - الرادود باسم الكربلائي...
ما را در سایت نسيتك - الرادود باسم الكربلائي دنبال می کنید

برچسب : الرادود,الكربلائي, نویسنده : bk110 بازدید : 285 تاريخ : پنجشنبه 25 آبان 1396 ساعت: 16:01