قاللها صار - الرادود باسم الكربلائي

قاللها صار

الحاج ملا باسم الکربلائي

علي السقاي

 محرم 1439

------------------------------

بالکوفه من دارت رحی الحومه، دار الحوار

قالتله ذکرني ابعلي او یومه، قاللها صار

------------------------------

اِمن اسمعت وقع الحوافر والمصاهل یعتلي

طوعه صاحت بالغضنفر یالعرینک منزلي

 

الحومه لو دارت یمسلم بیک اَرید اَنظُر علي

قلها و ابثغره ابتسامه إذَن قومي او هلّلي

 

هاي ابتسامه ابثغره مرسومه، لو ذوالفقار

قالتله ذکرني ابعلي او یومه، قاللها صار

------------------------------

عمک اتوصفه الأعادي ابلقب قتّال العرب

سامعه او وِدّي أشوفه لا تردني ابهالطلب

 

قلها ما أتقِن قتاله علي آیه اِمن العجب

راح أعرُض لمحَه عنه او سیفي یاکل بالرقب

 

سَل سیفه وِاهیَه اتعاین ارسومه، بعیونه نار

قالتله ذکرني ابعلي او یومه، قاللها صار

------------------------------

بُرز بِسم حسین مسلم عزِم یتباها ابعزِم

هُوّه واحد واشکثرهُم زلمه ضِد شبه الزلم

 

علي امدربَه اِعله المهاره اتنظره طوعه او تبتسم

حتی عدوانه اشهدتله ابهالمُقاتل و النعِم

 

ایقول المثل راواهم انجومه، اِبعزّ النهار

قالتله ذکرني ابعلي او یومه، قاللها صار

------------------------------

قلها شوفي الیدنه یمي والله سالم ما یرد

أقص رِجله او کون اَذَکرج باللّي قص رِجل ابنَ وِد

 

أدري هالضربه تعجبج علی العکسر من اشِد

او طوعه یم الباب صاحت أعد یا مسلم أعد

 

و الحومه کلها ابجفه ملزومه، رغم الحِصار

قالتله ذکرني ابعلي او یومه، قاللها صار

------------------------------

اِبلا درِع واسهام تِرمي التِفَت شنهو ایدَرّعَه

ابتعدي عن الباب قلها واسمحیلي اِمن اَشلَعه

 

ابهاي ذکّرتج ابحیدر باب خیبر یقلعَه

لجن بس ینقُصني مرحب خل یجیني او أصرعه

 

کل النفوس اقباله مهزومه، ابیوم المَغار

قالتله ذکرني ابعلي او یومه، قاللها صار

------------------------------

ابهالصفات الحیدریّه اعلیه لا ما ینقدُر

أیّسوا و الخطّه قالوا نِظفُر ابمسلم غدُر

 

لون ما غدر ابن ملجم علي ما جا ینطبُر

شِغلوا مسلم مِن أمامه او خلفه حُفره تنحفُر

 

طاح البطل و انذاعت اعلومه، ابعج الغُبار

قالتله ذکرني ابعلي او یومه، قاللها صار

------------------------------

مسلم الأدّی السفاره ینتظر نحره الحُسام

اِلتفَت مِن قصر الإماره او عینه متروسه ابکلام

 

ایقلّه سَوّیت العَلیّه وَاعتذِرلک یالإمام

السیف هذا ارتفع یعني آنه مَیّت والسلام

 

مسلم کِتب تضحیته بدمومه، او خط اعتذار

قالتله ذکرني ابعلي او یومه، قاللها صار

 

برچسب‌ها: الحاج ملا باسم الکربلائي, علي السقاي, محرم1439, ملا باسم کربلایی, باسم کربلایی نسيتك - الرادود باسم الكربلائي...